O alumnado de 3º de educación primaria fixo distintas achegas sobre os seus animais favoritos, tanto vertebrados como invertebrados para rematar a unidade didáctica sobre os animais.
Temos unha das paredes da clase chea de medusas, ourizos de mar, cans, gatos, tartarugas, tigres, krill antártico e leóns mariños, entre outros.
O alumnado de 3º de educación primaria visitou o museo da Sociedade Galega de Historia Natural (SGHN) para aprender un pouco máis dos animais vertebrados e invertebrados que viven nos distintos ecosistemas.
Os nenos e nenas de 4º de educación primaria traballaron o cambio climático e as ODS (Obxectivos de Desenvolvemento Sostible) tan presentes hoxe en día grazas a axenda 2030.
Descubriron que son os ODS e o obxectivo relacionado coa temática traballada na aula. Logo, puxeron cor ao logo ao mesmo tempo que responderon algunhas cuestións e, por último, pensaron nunha frase e debuxo para reclamar unha maior atención sobre este problema que hai no noso planeta.
Desde a área de ciencias Naturais, o alumnado de 4º de educación primaria rematou a primeira unidade deseñando a súa pirámide de alimentos utilizando propaganda de alimentos collidos nos supermercados e nas caixas de correo.
Cada grupo escribiu a súa presentación e finalmente expuso de xeito oral todo o traballado.
Moi contenta cos resultados!
