Deixando voar a súa imaxinación e tendo en conta a unidade que estabamos a traballar, o alumnado de 6ºEP preparou slogans para concienciar acerca da doazón de sangue na área de ciencias naturais.
Ben xeitosos quedaron estes slogans!
Blog de Quinto y Sexto
XOGOS POPULARES EN CANIDO
Hai un tempo, Antón Cortizas veu ao noso centro a explicarnos o seu obxectivo: encher as rúas de nenos e nenas practicando xogos populares durante a celebración dos Maios de Canido. Nós aceptamos e os estudantes de educación infantil e o alumnado de 2º e 3º ciclo de educación primaria acudimos ás áreas designadas para xogar á goma, á comba, ao brilé, cos aros, ao zapatiño quieto é…
Nenos e profes quedamos encantados con esta actividade!
PICA NA IMAXE
CELEBRAMOS OS MAIOS 2023
Seguindo a tradición do barrio, o pasado xoves festexamos os Maios decorando as ventás do colexio, dous maios piramidais e outro máis grande con forma de barco.
Moitas grazas ás familias pola súa colaboración e aos nenos/as pola súa axuda!
PICA NA IMAXE
Hábitos saudables desde o CHUF
O alumnado de 5º e 6º E.P. recibiron a visita de dous profesionais do sector sanitario que traballan no CHUF.
Esta vez, falaron dos hábitos saudables que son rutinas que moitas veces pasan desapercibidas para nós pero que son importantes: alimentación saudable, hixiene postural, o exercicio físico, entre outros.
DEPORTE NA RÚA
O pasado 26 de abril participamos na xornada DEPORTE NA RÚA promovido polo Consello COLEF a nivel estatal e o Colexio oficial de Licenciados en Educación Física e ciencias da Actividade física e do Deporte de Galicia.
Aproveitamos para xogar en dúas zonas: parque Raíña Sofía (1º-4º EP) e praza Fernando Miramontes (5º e 6º EP).
PICA NA IMAXE
DÍA DO LIBRO – Aire libro
O 24 de abril celébrase o día do libro e aproveitando que este ano é o 80 aniversario do libro El principito, quixemos dedicarlle a xornada facendo unha lectura adaptada nas distintas etapas e ciclos educativos.
PICA NA IMAXE
III Festival ilustrado de Ferrol
O pasado luns 17 de abril, todos os cursos de educación primaria participaron no III Festival ilustrado de Ferrol co fin de promocionar e apoiar a cidade para ser Patrimonio da Humanidade. A nosa actividade estaba relacionada cun baile típico daquela época, o minué, que ensaiamos nos días previos ao evento.
Tivemos a sorte de poder falar uns minutos co alcade e a concelleira de Patrimonio e pousaron con nós nunha foto para o recordo.
pica na imaxe
pica na imaxe
Primeiros auxilios
Os estudantes de 5º e 6º de educación primaria recibiron a visita de tres enfermeiras pertencentes á área sanitaria de Ferrol co fin de ensinar accións básicas de primeiros auxilios.
Primeiro comprobaron que coñecementos previos tiñan acerca do tema e logo ensinaron a poñer a unha persoa en posición lateral de seguridade, os números aos que chamar se hai unha emerxencia, como realizar unha RCP e incluso como facer cando atragoámonos cun alimento.
PICA NA IMAXE
Os sectores económicos
Estas dúas últimas semanas estiveron traballando un contido xa coñecido polos estudantes de 6º de educación primaria: os sectores económicos. Esta vez distribuíronse en grupos pequenos de modo que cada un traballou un contido concreto, buscando información na plataforma Aulaplaneta, organizando dita información obtida e por último, expoñendo aos seus compañeiros/as. Houbo grupos que fixeron teatro e outros foron máis serios na súa exposición pero todos o fixeron moi ben. Moi contenta cos resultados!
