Blog de Infantil
Pica na imaxe
Visitamos a lonxa de Ferrol
O pasado venres 5 de abril, os estudantes de 3 anos de educación infantil e os estudantes de 4º de educación primaria visitaron a lonxa de Ferrol situada no porto de Curuxeiras. Alí, Gustavo (presidente da cofradía de pescadores) e parte do seu equipo mostráronnos o traballo que realizan a diario para obter distintos productos do mar, o seu modo de conservación e ata a lonxa aberta ao público.
Moitas grazas polo voso traballo e esforzo!
![](http://www.colegiosanrosendo.com/wp-content/uploads/2024/04/LONJA-DE-FERROL.png)
8M, día internacional da muller
O pasado venres, o centro celebrou o día internacional da muller 8M despois de traballar a igualdade de xénero en pequenos debates a través de imaxes e vídeos que mostraban dita situación.
Por mor do tempo atmosférico non puidemos xuntarnos todos como adoitamos facer sempre que hai unha conmemoración. Porén, cantamos a canción «La puerta violeta» de Rozalén (algúns utilizaron tamén a lingua de signos), comentamos as imaxes e tamén deixamos os nosos lazos violetas na porta e nos peches que hai arredor do patio.
PICA NA IMAXE
![](http://www.colegiosanrosendo.com/wp-content/uploads/2024/03/Post-de-Instagram-Ilustrado-Dia-Internacional-De-la-Mujer-simple-morado.png)
Rosalía de Castro, 23 de febreiro
Este venres celebramos o día de Rosalía de Castro, a nosa
escritora máis ilustre. Unha muller defensora da nosa lingua e a
nosa cultura.
Desde o club de lectura realizamos unha actividade para dar a
coñecer a nosa autora e recoñecer o traballo realizado por ela.
PICA NA IMAXE
![](http://www.colegiosanrosendo.com/wp-content/uploads/2024/02/WhatsApp-Image-2024-02-26-at-16.31.34-1.jpeg)
O conto do Principiño cobrou vida
Este ano, o conto do Principiño cobrou vida no colexio durante o entroido.
O noso alumnado representou as personaxes do libro coa elaboración dos disfraces, dentro do proxecto vertical que se está a levar a cabo ao longo deste curso. A través do mesmo, traballamos valores como a confianza e a disciplina, entre outros.
![](http://www.colegiosanrosendo.com/wp-content/uploads/2024/02/De-entroido-co-Principito.png)
Educación Infantil vai á horta
O alumnado de Educación infantil foi o primeiro en acudir á horta urbana que hai preto do centro cívico de Canido.
Alí esperounos unha muller encantadora que nos ensinou a distribución dos bancais, as plantas que había neles e explicounos todo o que imos facer ata conseguir os nosos cultivos.
PICA NA IMAXE
![](http://www.colegiosanrosendo.com/wp-content/uploads/2024/02/Educacion-infantil-vai-a-horta.png)
DÍA DA PAZ E A NON VIOLENCIA ESCOLAR
Deixamos un resumo da celebración realizada hoxe polo día da paz.
![](http://www.colegiosanrosendo.com/wp-content/uploads/2024/01/Dia-da-paz-e-da-non-violencia-escolar.png)
Aquí debaixo quedan tres vídeos nos que podedes ver o «Xogo de nenos» que fixemos recordando o programa de televisión.
![](http://www.colegiosanrosendo.com/wp-content/uploads/2024/01/1.png)
![](http://www.colegiosanrosendo.com/wp-content/uploads/2024/01/2.png)
![](http://www.colegiosanrosendo.com/wp-content/uploads/2024/01/3.png)
Robótica en Nadal
Durante o mes de decembro comenzamos o programa dos Polos Creativos. Dito programa ten como obxectivo fomentar a creatividade a través da superación de retos, a resolución de problemas e a realización de prototipos, entre outros.
A primeira experiencia foi un obradoiro de Robótica: infantil utilizou o SuperDoc e os cursos de primaria o Lego Wedo 2.0.
Ao longo do ano realizaremos máis obradoiros e actividades que rematarán nunha gran sorpresa!!
PICA NA IMAXE
Celebrando o final de ano!
A comunidade educativa celebrou o seu particular fin de ano o último xoves lectivo. Houbo tempo para o baile, as cancións e para festexar a entrada ao novo ano despois de comer e brindar.
FELIZ 2024!
PICA NA IMAXE
![](http://www.colegiosanrosendo.com/wp-content/uploads/2023/12/PANXOLINAS-1.png)
PANXOLIÑAS na residencia MI CASA
Tal e como viñemos facendo todos os anos, o alumnado do colexio visitou a residencia de maiores Mi Casa para cantar alí unhas panxoliñas aos asistentes e persoal.
Este ano quíxose sumar á festa os nenos/as máis as profesoras da escola infantil San Rosendo (Cativos).
Esperamos que desfrutaran tanto como nós!
pica na imaxe