Educación Especial
Concurso na Semana de educación viaria do Concello
Este xoves 16 de maio, os alumnos/as de 6º de educación primaria participaron no concurso de ideas organizado pola concellería de Seguridade e Mobilidade do Concello de Ferrol. Había uns requisitos: material reciclado, material cedido polo concello para a montaxe e moito interés por participar.
Despois de tres semanas traballando nos tempos de recreo e algunhas tardes, conseguiron unha representación ben xeitosa das súas ideas (axudadas pola súa titora María, Jorge, Andrea e Sergio) no pabillón de Esteiro logrando o premio á mellor representación.
PICA NA IMAXE 
PARABÉNS NOVAMENTE POLO PREMIO MERECIDO POLO VOSO ESFORZO E TRABALLO EN EQUIPO!
Ligazón ás noticias:
8M, día internacional da muller
O pasado venres, o centro celebrou o día internacional da muller 8M despois de traballar a igualdade de xénero en pequenos debates a través de imaxes e vídeos que mostraban dita situación.
Por mor do tempo atmosférico non puidemos xuntarnos todos como adoitamos facer sempre que hai unha conmemoración. Porén, cantamos a canción «La puerta violeta» de Rozalén (algúns utilizaron tamén a lingua de signos), comentamos as imaxes e tamén deixamos os nosos lazos violetas na porta e nos peches que hai arredor do patio.
PICA NA IMAXE
Rosalía de Castro, 23 de febreiro
Este venres celebramos o día de Rosalía de Castro, a nosa
escritora máis ilustre. Unha muller defensora da nosa lingua e a
nosa cultura.
Desde o club de lectura realizamos unha actividade para dar a
coñecer a nosa autora e recoñecer o traballo realizado por ela.
PICA NA IMAXE
O conto do Principiño cobrou vida
Este ano, o conto do Principiño cobrou vida no colexio durante o entroido.
O noso alumnado representou as personaxes do libro coa elaboración dos disfraces, dentro do proxecto vertical que se está a levar a cabo ao longo deste curso. A través do mesmo, traballamos valores como a confianza e a disciplina, entre outros.
A muller na Ciencia
O pasado xoves tivemos a gran sorte de recibir a visita dunha Muller científica que nos ensinou o papel fundamental, aínda que descoñecido, das mulleres nos avances da ciencia. Tamén nos fixo reflexionar sobre valores como a igualdade de xénero, de oportunidades e de respecto. Estes valores foron amosados a través dun contacontos no que se mesturou a ciencia e a aprendizaxe.
PICA NA IMAXE
Educación Infantil vai á horta
O alumnado de Educación infantil foi o primeiro en acudir á horta urbana que hai preto do centro cívico de Canido.
Alí esperounos unha muller encantadora que nos ensinou a distribución dos bancais, as plantas que había neles e explicounos todo o que imos facer ata conseguir os nosos cultivos.
PICA NA IMAXE
DÍA DA PAZ E A NON VIOLENCIA ESCOLAR
Deixamos un resumo da celebración realizada hoxe polo día da paz.
Aquí debaixo quedan tres vídeos nos que podedes ver o «Xogo de nenos» que fixemos recordando o programa de televisión.
Robótica en Nadal
Durante o mes de decembro comenzamos o programa dos Polos Creativos. Dito programa ten como obxectivo fomentar a creatividade a través da superación de retos, a resolución de problemas e a realización de prototipos, entre outros.
A primeira experiencia foi un obradoiro de Robótica: infantil utilizou o SuperDoc e os cursos de primaria o Lego Wedo 2.0.
Ao longo do ano realizaremos máis obradoiros e actividades que rematarán nunha gran sorpresa!!
PICA NA IMAXE
Celebrando o final de ano!
A comunidade educativa celebrou o seu particular fin de ano o último xoves lectivo. Houbo tempo para o baile, as cancións e para festexar a entrada ao novo ano despois de comer e brindar.
FELIZ 2024!
PICA NA IMAXE
